ഒന്നാനാം കൊച്ചുതുമ്പീ

ഗാനം : ഒന്നാനാം കൊച്ചുതുമ്പീ
ലളിതഗാനങ്ങൾ


ഒന്നാനാം കൊച്ചുതുമ്പീ
പൊന്നോണ പൂത്തുമ്പീ
പൂവേലും ചിറകുവീശി പറന്നു വാ
തുമ്പപ്പൂക്കളം എഴുതിയ പൂമുറ്റത്ത് 
നീളേ നീ താളത്തിൽ ചാഞ്ചാട്
(ഒന്നാനാം)

കതിരണിയും വയലേലകൾ കണ്ടീലേ നീ
ഓണക്കളിവഞ്ചിപ്പാട്ടുകളും കേട്ടീലേ (കതിരണിയും)
കുണുങ്ങി വാ തുമ്പീ കുഞ്ഞുമണിത്തുമ്പീ
കുമ്മിയടിപ്പാട്ടും പാടി ചാഞ്ചാട്  (കുണുങ്ങി)
(ഒന്നാനാം)

മണിവില്ലിൻ ചെറു ഞാണൊലി കേട്ടീലേ നീ
മലയാളം കുളിരാർ‌ന്നതറിഞ്ഞീലേ (മണിവില്ലിൻ)
ചമഞ്ഞു വാ തുമ്പീ ചെല്ലമണിത്തുമ്പീ
പൊന്നോണപ്പാട്ടും പാടി ചാഞ്ചാട് (ചമഞ്ഞു)
(ഒന്നാനാം)

ആത്മസഖീ അനുരാഗിണീ

Malayalam Light Music