പച്ചിലത്തോപ്പിലെ തത്തമ്മത്തമ്പ്രാട്ടി

Pachilathoppile thatthamma
ഗാനം : പച്ചിലത്തോപ്പിലെ തത്തമ്മത്തമ്പ്രാട്ടി
മൂവി : കൊച്ചുമോൻ (1965)
ഗാനരചന :  പി ജെ കെ ഈഴക്കടവ്
ഈണം : ആലപ്പി ഉസ്മാൻ
ആലാപനം :  എൽ ആർ  ഈശ്വരി
സംവിധാനം :  കെ പദ്മനാഭൻ നായർ
അഭിനയിച്ചവർ : പ്രേംനസീർ, ഷീല, തിക്കുറിശ്ശി സുകുമാരൻ നായർ, മുത്തയ്യ, അടൂർ പങ്കജം, മീന തുടങ്ങിയവർ.

പച്ചിലത്തോപ്പിലെ തത്തമ്മത്തമ്പ്രാട്ടി
വെറ്റിലതിന്നു വരുന്നല്ലാ
വരിനെല്ലിന്‍ ചുണ്ടിന്നു കിലുകിലെപ്പുന്നാരം
ആടിവരുന്നതും കേട്ടല്ലാ

പ്രാവുപറക്കിണ പാടത്തു
മാടത്തപ്പൈങ്കിളി പാടുന്ന നേരത്ത്
കുട്ടനാടിന്റെ കരളുകളേ നിങ്ങള്‍
ഇക്കിളികൊള്ളുകയല്ലേ നിങ്ങള്‍
ഇക്കിളികൊള്ളുകയല്ലേ?

കന്നു പൂട്ടും കിടാത്തനെക്കാണുമ്പോള്‍
കിന്നാരം ചൊല്ലിണ പെണ്ണാളേ
ചമ്പാവു കൊയ്യണ പാടത്തെ
ചെളീല് ചൂളം വിളിക്കുവതാരാണ്
ചൂളം വിളിക്കുവതാരാണ്?

പുഞ്ചവരമ്പത്ത് കൊഞ്ചിക്കുഴയാതെ
കൊയ്ത്തിന്നിറങ്ങിനോ പെണ്ണാളേ
പുഞ്ചവരമ്പത്ത് കൊഞ്ചിക്കുഴയാതെ
കൊയ്ത്തിന്നിറങ്ങിനോ പെണ്ണാളേ
മേലേ പാടത്തെ കൊയ്ത്തുകഴിഞ്ഞേ
മേലാളു പായണു പള്ളത്തെപ്പാടത്ത്

വല്യമ്പ്രാന്‍ പാടത്ത് വന്നിടും മുന്‍പേ
കൊയ്തു കഴിയണം കുഞ്ഞാലീ
വല്യമ്പ്രാന്‍ പാടത്ത് വന്നിടും മുന്‍പേ
കൊയ്തു കഴിയണം കുഞ്ഞാലീ
കൊയ്തു വരുന്നേ
കൊയ്തു വരുന്നേ

വള കിലുങ്ങിണ കൈകളിലെല്ലാം
കിലു കിലുങ്ങിണ കൊയ്ത്തരിവാള്
വള കിലുങ്ങിണ കൈകളിലെല്ലാം
കിലു കിലുങ്ങിണ കൊയ്ത്തരിവാള്
കറ്റ മെതിക്കണ് കച്ചി കുടയണ്
തിന്താരം പാടണ് പാടത്ത്

അക്കരെയുള്ളൊരു ചക്കരമാവിലെ
തെക്കേ കൊമ്പിലെ കിങ്ങിണി കൊമ്പില്
കൂടിയിരിക്കും കൊയ്‌ലാളേ
അക്കരെയുള്ളൊരു ചക്കരമാവിലെ
തെക്കേ കൊമ്പിലെ കിങ്ങിണി കൊമ്പില്
കുടിയിരിക്കും കൊയ്‌ലാളേ
പാട്ടു പാടുമോ കൂട്ട് കൂടുമോ
വീട്ടിൽ പോരുമോ കൂട്ടിലിരിക്കും കൊയ്‌ലാളേ
ഓ ഓ ഓ കൊയ്‌ലാളേ
പാട്ടു പാടുമോ കൂട്ട് കൂടുമോ
വീട്ടിൽ പോരുമോ കൂട്ടിലിരിക്കും കൊയ്‌ലാളേ
ഓ ഓ ഓ കൊയ്‌ലാളേ

പച്ചപ്പനം തത്ത പാട്ടുകേട്ടപ്പം

Movie : Kochumon (1965)
Lyrics : PJ K Eezhakkadavu
Music : Alleppey Usman
Singer : LR Eeswari