ചിരി കൊണ്ടു ചിരിയെ പൊതിയുമ്പോൾ

Song : Chirikondu Chiriye
Movie : Anumodhanam (1978)
Lyrics : Bharanikkavu Sivakumar
Music : A T Ummer
Singer : Yesudas and Ambili
Director :  I V Sasi
Starring  : Jayan, Kamalahassan, Raghavan M G Soman, Seema, Vidhubala


ചിരി കൊണ്ടു ചിരിയെ പൊതിയുമ്പോൾ
നിന്നിൽ ചിറകുള്ള സ്വപ്നങ്ങൾ വിടരുന്നു
മിഴി കൊണ്ടു മിഴിയെ ക്ഷണിയ്ക്കുമ്പോൾ
നിന്നിൽ മദം കൊണ്ട മോഹങ്ങളണയുന്നു
നിന്നിൽ മദം കൊണ്ട മോഹങ്ങളണയുന്നു

വയനാടൻ‌ കാടിന്‍റെ കുളിരൂറും ലാവണ്യം
മേനിയിൽ ചാർത്തിയ രാഗവതീ നിന്‍റെ
ദാഹവസന്തത്തിൻ രാസഗൃഹത്തിലെ...
മോഹമുന്തിരി നീരു തരൂ
അതിന്‍റെ മധുരം നുകരട്ടെ
ഞാനായിരം ലഹരിയിലലിയട്ടെ
(ചിരി കൊണ്ടു)

വയലേലപ്പാട്ടിന്‍റെ മിഴിവേറും ലാളിത്യം
വാരിച്ചൂടിയ മോഹവതീ നിന്‍റെ
കാമയൌവ്വനത്തിൻ ചാരുതലത്തിലെ
രാസപ്പൂവുകൾ ചൂടി വരൂ
അതിന്‍റെ ഗന്ധം നുകരട്ടെ
എന്നിൽ ആയിരം ഭാവങ്ങൾ വിടരട്ടെ
(ചിരി കൊണ്ടു)

വാര്‍ത്തിങ്കളുദിക്കാത്ത വാസന്ത രാത്രിയില്‍