Song : Chembakam Pookkunna
Movie : Rajahamsam(1974)
Lyrics : Vayalar Ramavarma
Music : G Devarajan
Singer : P Madhuri
Director : Hariharan
Starring : Prem Nazir, Jayabharathi, Srividya, Raghavan, MG Soman, KP Ummer, Meena, Bahadur, Adoor Bhasi, Shankaradi.
ചെമ്പകം പൂക്കുന്ന താഴ്‌വരയില്‍
ചന്ദ്രഗിരിയുടെ താഴ്‌വരയില്‍
സ്വര്‍ണ്ണച്ചിറകടിച്ചെത്തീ പണ്ടൊരു
സ്വര്‍ഗ്ഗവാതില്‍ പക്ഷീ
(ചെമ്പകം)
ചെമ്പകം പൂക്കുന്ന താഴ്‌വരയില്‍
തെക്കന്‍ കാറ്റിനു തണുപ്പു കൂടി
കിളി തേനുണ്ടു തളിരുണ്ടു മദിച്ചു പാടി
നക്ഷത്ര കൊടിയുള്ള മയില്‍പ്പെണ്ണേ നിന്റെ
നൃത്തം കാണാന്‍ ഞാന്‍ വന്നൂ
ചെമ്പകം പൂക്കുന്ന താഴ്‌വരയില്‍
ആടും മയിലിനു കുളിരുകോരീ അവള്‍
ആലിലയരമണികിലുക്കിപ്പാടീ
ഗന്ധര്‍വന്‍ കാട്ടിലെയിണപ്പക്ഷീ നിന്റെ
ഗാനം കേള്‍ക്കാന്‍ ഞാന്‍ നിന്നൂ
ചെമ്പകം പൂക്കുന്ന താഴ്‌വരയില്‍
ആറ്റും കടവിലെ കുടിലുമേഞ്ഞൂ
അകത്തായിരമിലവര്‍ണ്ണപ്പൂ ചൊരിഞ്ഞൂ
കന്നിരാവുദിച്ചപ്പോള്‍ കിളി പാടി
രാത്രി കളിയാടീടാന്‍ നീ വരുമോ
ചെമ്പകം പൂക്കുന്ന താഴ്‌വരയില്‍
പെയ്തും പെറുക്കിയും ഋതുക്കള്‍ പോയി
സ്വര്‍ഗ്ഗ വാതിലും തുറന്നിട്ടാ കിളികള്‍ പോയി
പെണ്മയില്‍ നല്‍കിയോരിളം കുഞ്ഞേ നിന്റെ
അമ്മയെ കാണാന്‍ രാരീരോ
(ചെമ്പകം)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ