ആ രാവിൽ നിന്നോട് ഞാനോതിയ രഹസ്യങ്ങൾ

Aa Ravil Ninnodu
മലയാളം കവിത : ആത്മരഹസ്യം
കവി : ചങ്ങമ്പുഴ കൃഷ്ണ പിള്ള
ആലാപനം : പ്രൊഫസർ വി മധുസൂദനൻ നായർ

ആ രാവിൽ നിന്നോട് ഞാനോതിയ രഹസ്യങ്ങൾ
ആരോടുമരുളരുതോമലെ നീ
താരകാകീർണ്ണമായ നീലാംബരത്തിലന്നു
ശാരദാശശിലേഖ സമുല്ലസിക്കെ
തുള്ളിയുലഞ്ഞുയർന്നു തള്ളി വരുന്ന
മൃദു വെള്ളിവലാഹകൾ നിരന്നു നിൽക്കെ
നർത്ഥന നിരതകൾ പുഷ്‌പലതികകൾ
നാൽത്തളിർകളാൽ നമ്മെത്തഴുകീടവേ
ആലോലപരിമള ധോരണിയിങ്കൽ മുങ്ങി
മലയാനിലൻ മന്ദമലഞ്ഞു പോകെ
നാണിച്ചു നാണിച്ചിന്റെ മാറത്തു തല ചായ്ച്ചു
പ്രാണനായികേ നീയെന്നരികിൽ നിൽക്കെ
രോമാഞ്ചമിളകും നിൻ ഹേമാഗകങ്ങൾ തോറും
മാമക കരപുടം വിഹരിക്കവേ
പുഞ്ചിരി പൊടിഞ്ഞ നിൻ ചെഞ്ചൊടിതളിരിലെൻ
ചുംബനമിടക്കമർന്നീടവേ
നാമിരുവരുമൊരു നീലാശിലാതലത്തിൽ
നാഗ നിർവൃതി നേടി പരിലസിക്കെ

ആ രാവിൽ നിന്നോട് ഞാനോതിയ രഹസ്യങ്ങൾ
ആരോടുമരുളരുതോമലെ നീ  (2)

വേദന സഹിയാത്ത രോദനം തുളുമ്പീടും
മാമക ഹൃദയത്തിൻ ക്ഷതങ്ങൾ തോറും (2)

ആദര സമന്വിതം ആരും അറിയാതൊരു
ശീതള സുഖാസവം പുരട്ടി മന്ദം
നീയെന്നെ തഴുകവേ ഞാനൊരു ഗാനമായി
നീലാംബരമ്പരത്തോളമുയർന്നു പോയി
സങ്കൽപ്പ സുഖത്തിനും മീതെയായ് മിന്നും
ദിവ്യ മംഗളസ്വപ്നമേ നിൻ അരികിലെത്താൻ
യാതൊരു കഴിവുമില്ലാതെ ഞാൻ എത്രകാലം
ആതുര ഹൃദയനായ് ഉഴഞ്ഞിരുന്നു
കൂരിരുൾ നിറഞ്ഞോരെൻ ജീവിതം പൊടുന്നനെ
താരകവൃതമായി ചമഞ്ഞ നേരം
ആ വെളിച്ചത്തിൽ നിന്നെക്കണ്ടു ഞാൻ
ദിവ്യമമോരാനന്ദ രശ്മിയായെന്നരികിൽ തന്നെ
മായാത്ത കാന്തി വീശും മംഗള കിരണമേ
നീ ഒരു നിഴലാണെന്നാരു ചൊല്ലി
അല്ലിലെ വെളിച്ചമേ നിന്നെ ഞാൻ അറിഞ്ഞതില്ല
അല്ലലിൽ മൂടി നിൽക്കും ആനന്ദമേ

യാതൊന്നും മറയ്ക്കാതെ നിന്നോടു സമസ്തവും
ഓതുവാൻ കൊതിച്ചു നിന്നരികിലെത്തി (2)

കണ്ണുനീർ കണികകൾ വീണു നനഞ്ഞതാം നിൻ
പൊന്നലർ കവിൾക്കൂമ്പു തുടച്ചു മന്ദം

ആ രാവിൽ നിന്നോട് ഞാനോതിയ രഹസ്യങ്ങൾ
ആരോടുമരുളരുതോമലെ നീ  (2)

എന്നാത്മ  രഹസ്യങ്ങൾ എന്തും ഞാൻ നിന്നോടോതും
മന്നിനായത്  കേട്ടിട്ടെന്തു കാര്യം
ഭൂലോക മൂഢരായി നമ്മെയിന്നപരന്മാർ
പൂരൈരാത്ത പരിഹാസം കരുതിയേയ്ക്കാം
സാരമില്ലാവയൊന്നും സന്തതം മമ ഭാഗ്യ
സാര സർവ്വസ്വമെ നീയുഴന്നിടേണ്ട

മാമക ഹൃദയത്തിൻ സ്പന്ദനം നിൽക്കുവോളം
പ്രേമവും അതിൽ തിര അടിച്ചു കൊള്ളും
കല്പാന്ത കാലം വന്നു ഭൂലോകം ആകെ ഒരു
കർക്കശ സമുദ്രമായ് മാറിയാലും
അന്നതിൻ  മീതെ അല്ല തള്ളിയരച്ചു വന്നു
പൊങ്ങിടും ഓരോ കൊച്ചു കുമിള പോലും

ഇന്ന് മന്മാനസത്തിൽ തുള്ളി തുളുമ്പി നിൽക്കും
നിന്നോടുള്ളനുരാഗമായിരിക്കും
രണ്ടല്ല നീയും ഞാനും ഒന്നായി കഴിഞ്ഞല്ലോ
വിണ്ടലം നമുക്കിനി വേറെ വേണോ
ആരെല്ലാം ചോദിച്ചാലും ആരെല്ലാം മുഷിഞ്ഞാലും
ആരെല്ലാം പരിഭവം കരുതിയാലും

ആ രാവിൽ നിന്നോട് ഞാനോതിയ രഹസ്യങ്ങൾ
ആരോടുമരുളരുതോമലെ നീ  (2)

പ്രിയസഖി നീ പ്രണയ കവിത പോലെ - ഇവിടെ ക്ലിക്ക് ചെയ്യുക 

മലയാളം കവിത : ആത്മരഹസ്യം
കവി : ചങ്ങമ്പുഴ കൃഷ്ണ പിള്ള
ആലാപനം : പ്രൊഫസർ വി മധുസൂദനൻ നായർ