വേർപിരിയുവാൻ മാത്രം ഒന്നിച്ചു കൂടി നാം

Verpiriyuvan Mathram
കവിത : പാഥേയം
കവി : ഓ എൻ വി കുറുപ്പ്
ആലാപനം : ഓ എൻ വി കുറുപ്പ്

വേർപിരിയുവാൻ മാത്രം ഒന്നിച്ചു കൂടി നാം
വേദനകൾ പങ്കു വയ്ക്കുന്നു
ഈ വേദനകൾ ഏറ്റു വാങ്ങുന്നു
കരളിലെഴുമീണങ്ങൾ ചുണ്ടു നുണയുന്നു
കവിതയുടെ ലഹരി നുകരുന്നു
കരളിലെഴുമീണങ്ങൾ ചുണ്ടു നുണയുന്നു
കവിതയുടെ ലഹരി നുകരുന്നു

കൊച്ചു സുഖദുഃഖ
മഞ്ചാടി മണികൾ ചേർത്തു വച്ചു
പല്ലാങ്കുഴി കളിക്കുന്നു
വിരിയുന്നു കൊഴിയുന്നു യാമങ്ങൾ
നമ്മളും വിരിയുന്നു യാത്ര തുടരുന്നു
യാത്ര തുടരുന്നു യാത്ര തുടരുന്നു
മായുന്ന സന്ധ്യകൾ മടങ്ങി വരുമോ
പാടി മറയുന്ന പക്ഷികൾ മടങ്ങി വരുമോ
മായുന്ന സന്ധ്യകൾ മടങ്ങി വരുമോ
പാടി മറയുന്ന പക്ഷികൾ മടങ്ങി വരുമോ

എങ്കിലും സന്ധ്യയുടെ കൈയീലെ സ്വർണവും
പൈങ്കിളി കൊക്കിൽ കിനിഞ്ഞ തേൻ തുള്ളിയും
എങ്കിലും സന്ധ്യയുടെ കൈയീലെ സ്വർണവും
പൈങ്കിളി കൊക്കിൽ കിനിഞ്ഞ തേൻ തുള്ളിയും
പൂക്കൾ നെടുവീർപ്പിടും ഗന്ധങ്ങളും
മൌനപാത്രങ്ങളിൽ കാത്തു വച്ച മാധുര്യവും
മാറാപ്പിലുണ്ടെന്റെ മാറാപ്പിലുണ്ട് അതും  പേറി
ഞാൻ യാത്ര തൂടരുന്നു
യാത്ര തൂടരുന്നു യാത്ര തൂടരുന്നു

പൊൻവെളിച്ചം കർണ്ണികാരപ്പൂ

Patheyam Malayalam Poem by Sri ONV Kurup