മൂവി : സ്നേഹം (1998)
ഗാനരചന : യൂസുഫലി കേച്ചേരി
സംഗീതം : പെരുമ്പാവൂർ ജി രവീന്ദ്രനാഥ്
ആലാപനം : കെ ജെ യേശുദാസ്
അഭിനയിച്ചവർ : ജയറാം, ജോമോൾ, ബിജു മേനോൻ, കസ്തുരി, ശ്രീരാമൻ, സിദ്ദിഖ് തുടങ്ങിയവർ
പേരറിയാത്തൊരു നൊമ്പരത്തെ
പ്രേമമെന്നാരോ വിളിച്ചു (പേരറിയാത്തൊരു)
മണ്ണില് വീണുടയുന്ന തേന്കുടത്തെ
കണ്ണുനീരെന്നും വിളിച്ചു
കണ്ണുനീരെന്നും വിളിച്ചു
പേരറിയാത്തൊരു നൊമ്പരത്തെ
പ്രേമമെന്നാരോ വിളിച്ചു
തങ്കത്തിന് നിറമുള്ള മായാമരീചിയെ
സങ്കല്പ്പമെന്നു വിളിച്ചു (തങ്കത്തിന്)
മുറിവേറ്റു കേഴുന്ന പാഴ്മുളം തണ്ടിനെ
മുരളികയെന്നും വിളിച്ചു
മുരളികയെന്നും വിളിച്ചു
(പേരറിയാത്തൊരു)
മണിമേഘ ബാഷ്പത്തില് ചാലിച്ച വര്ണ്ണത്തെ
മാരിവില്ലെന്നു വിളിച്ചു (മണിമേഘ)
മറക്കുവാനാവാത്ത മൗനസംഗീതത്തെ
മാനസമെന്നും വിളിച്ചു
മാനസമെന്നും വിളിച്ചു
(പേരറിയാത്തൊരു)